Cofnodion - Y Pwyllgor Busnes

Lleoliad:

Zoom

Dyddiad: Dydd Mawrth, 19 Hydref 2021

Amser: 09.04 - 09.40
 

Preifat

------

Yn bresennol

Categori

Enwau

Aelodau’r Pwyllgor:

Elin Jones AS, Llywydd (Cadeirydd)

Lesley Griffiths AS

Darren Millar AS

Siân Gwenllian AS

Staff y Pwyllgor:

Graeme Francis (Clerc)

Bethan Garwood (Dirprwy Glerc)

Eraill yn bresennol

Jane Dodds AS

David Rees AS, Y Dirprwy Lywydd

Manon Antoniazzi, Prif Weithredwr a Chlerc y Senedd

Siwan Davies, Cyfarwyddwr Busnes y Senedd

Siân Wilkins, Pennaeth Gwasanaeth y Siambr a Phwyllgorau

Julian Luke, Pennaeth Pwyllgorau Polisi a Deddfwriaeth

Helen Carey, Llywodraeth Cymru

Gwion Evans, Pennaeth Swyddfa Breifat y Llywydd

 

<AI1>

1       Cyflwyniadau, ymddiheuriadau a dirprwyon

Croesawodd y Llywydd yr Aelodau i’r cyfarfod.

</AI1>

<AI2>

2       Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi.

</AI2>

<AI3>

3       Trefn Busnes

</AI3>

<AI4>

3.1   Busnes yr wythnos hon

Dydd Mawrth

 

·         Caiff y Cyfnod Pleidleisio ei gynnal fel yr eitem olaf o fusnes.

·         Nid yw'r Cyfarfod Llawn yn debygol o fynd y tu hwnt i 7.50pm.

Dydd Mercher  

 

·         Caiff y Cyfnod Pleidleisio ei gynnal cyn y Ddadl Fer.

·         Nid yw'r Cyfarfod Llawn yn debygol o fynd y tu hwnt i 6.55pm. 

 

Dywedodd y Llywydd wrth y Pwyllgor Busnes ei bod yn bwriadu gwneud datganiad o gydymdeimlad yn dilyn marwolaeth Syr David Amess AS ar ddechrau'r Cyfarfod Llawn heddiw, wedi’i ddilyn gan funud o dawelwch. Cytunodd y Pwyllgor Busnes y bydd Arweinwyr y Pleidiau a Jane Dodds hefyd yn talu teyrnged yn dilyn y funud o dawelwch.

 

</AI4>

<AI5>

3.2   Amserlen busnes y Llywodraeth ar gyfer y tair wythnos nesaf

Tynnodd y Trefnydd sylw'r Rheolwyr Busnes at y newidiadau a ganlyn:

 

Dydd Mercher 2 Tachwedd 2021 –

 

·         Datganiad gan y Gweinidog Iechyd a Gwasanaethau Cymdeithasol: Y wybodaeth ddiweddaraf am Covid-19 (45 munud)

·         Datganiad gan y Gweinidog Newid Hinsawdd: Strategaeth Sero-Net (60 munud)

·         Datganiad gan y Gweinidog Newid Hinsawdd: Lleihau allyriadau o gynhyrchu ynni (45 munud)

·         Datganiad gan y Gweinidog Newid Hinsawdd: Rhaglen Ôl–osod er mwyn Optimeiddio 2 – Cynhesrwydd Fforddiadwy Arbennig (45 munud)

 

Dydd Mercher 9 Tachwedd 2021 –

 

·         Datganiad gan y Gweinidog Iechyd a Gwasanaethau Cymdeithasol: Y wybodaeth ddiweddaraf am Covid-19 (45 munud)

 

</AI5>

<AI6>

3.3   Amserlen busnes y Senedd ar gyfer y tair wythnos nesaf

Cytunodd y Pwyllgor Busnes i gynnwys yr eitemau o fusnes a ganlyn ar yr amserlen:

 

Dydd Mercher 17 Tachwedd 2021 –

 

·         Cynnig i gymeradwyo Cyllideb Comisiwn y Senedd ar gyfer 2022-23 (30 munud)

·         Cynnig o dan Reol Sefydlog 26.91 yn gofyn am gytundeb y Senedd i gyflwyno Bil Aelod – Bil Bwyd (Cymru) (60 munud)

·         Amser a neilltuwyd i Blaid Cymru (60 munud)

 

</AI6>

<AI7>

4       Busnes y Senedd

</AI7>

<AI8>

4.1   Dadl Pwyllgor yn y Cyfarfod Llawn - Craffu ar Weithredu Cenedlaethol Deddf Llesiant Cenedlaethau’r Dyfodol (2015)

Cytunodd y Pwyllgor Busnes i drefnu dadl ar y cyd rhwng y Pwyllgor Cyfrifon Cyhoeddus a Gweinyddiaeth Gyhoeddus a'r Pwyllgor Cydraddoldeb a Chyfiawnder Cymdeithasol ar graffu ar weithredu cenedlaethol Deddf Llesiant Cenedlaethau'r Dyfodol (2015).

 

Tynnodd y Trefnydd sylw at y ffaith bod datganiad y llywodraeth y cyfeirir ato yn y llythyr yn ychwanegol at, ac nid yn lle, ymateb i'r adroddiad ar y testun hwn a gyhoeddwyd gan y Pwyllgor Cyfrifon Cyhoeddus ar ddiwedd y Bumed Senedd.

 

</AI8>

<AI9>

5       Y Rheolau Sefydlog

</AI9>

<AI10>

5.1   Llythyr gan Gadeirydd y Pwyllgor Safonau Ymddygiad

Ystyriodd y Pwyllgor Busnes y cais i ddiwygio'r Rheolau Sefydlog i ganiatáu dirprwyon yng nghyfarfodydd y Pwyllgor Safonau Ymddygiad, ac eithrio wrth ystyried cwynion. Cytunodd y Pwyllgor Busnes i ddiwygio Rheol Sefydlog 22 fel rhan o'i adolygiad o'r Rheolau Sefydlog.

 

</AI10>

<AI11>

Unrhyw faterion eraill

Memorandwm Cydsyniad Deddfwriaethol ar y Bil Sgiliau ac Addysg Ôl-16

 

Dywedodd y Trefnydd wrth y Pwyllgor Busnes y bydd y llywodraeth yn gosod Memorandwm Cydsyniad Deddfwriaethol Atodol ar y Bil Sgiliau ac Addysg Ôl-16 yr wythnos hon, ac felly'n cynnig bod y dyddiad cau ar gyfer cyflwyno adroddiad ar y Memorandwm yn cael ei ymestyn o 21 Hydref i 11 Tachwedd. Cytunodd y Pwyllgor Busnes i'r estyniad.

 

Ymgysylltu ag Ewrop

 

Trafododd y Pwyllgor Busnes enwebiadau i Aelodau gynrychioli'r Senedd ar y canlynol:

 

·         Cyngres Awdurdodau Lleol a Rhanbarthol Cyngor Ewrop; a

·         Phwyllgor y Rhanbarthau - Grŵp Cyswllt y DU

Cytunodd y Rheolwyr Busnes i drafod enwebiadau gyda'r nod o sicrhau cydbwysedd rhwng y rhywiau; byddai penderfyniad yn cael ei wneud y tu allan i'r pwyllgor.

 

Cytunodd y Pwyllgor Busnes i ystyried cydbwysedd rhwng y rhywiau pan gynigir newidiadau i aelodaeth pwyllgorau'r Senedd.

 

Trefniadau’r Cyfarfod Llawn yn ystod Lefel Rhybudd 0

 

Cytunodd y Pwyllgor Busnes i barhau i adolygu nifer yr Aelodau sy'n gallu bod yn y Cyfarfod Llawn yn bersonol.  Byddai unrhyw newidiadau yn seiliedig ar reoliadau a chanllawiau iechyd cyhoeddus perthnasol ac yn destun asesiadau risg.

 

</AI11>

<TRAILER_SECTION>

</TRAILER_SECTION>

<LAYOUT_SECTION>

1.          FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.          FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

 

<SUBNUMBER_LAYOUT_SECTION>

2.1          FIELD_TITLE

FIELD_SUMMARY

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2.2          FIELD_TITLE

</TITLE_ONLY_SUBNUMBER_LAYOUT_SECTION>